عمران خان کا بال بھی بیکا ہوا تو یقین جانو کوئی بھی یہاں زندگی نہیں گزار سکے گا، اسد قیصر

عمران خان کا بال بھی بیکا ہوا تو یقین جانو کوئی بھی یہاں زندگی نہیں گزار سکے گا، اسد قیصر پاکستان تحریک انصاف کے رہنما اسد قیصر نے کہا کہ عمران خان سے ملاقات ہمارا آئینی اور قانونی حق ہے۔ ہمیں دیوار سے نہ لگائیں، ہمیں جینے دیں۔ اگر آپ ہمیں نہیں جینے دیں گے تو ہم آپ کو نہیں جینے دیں گے۔ ذہن میں رکھیں اگر عمران خان کا بال بھی بیکا ہوا تو یقین جانو کوئی بھی یہاں زندگی نہیں گزار سکے گا. ‏خیبر پختونخوا ہمیشہ سے دہشت گردی کا شکار رہا ہے، ہمارے صوبے نے افغان جنگ کے بہت نقصانات اٹھائے۔ افغان جنگ سے یہاں کلاشنکوف کلچر پروان چڑھا۔ افغان جنگ سے ہماری معیشت بیٹھ گئی، ہم ابھی تک افغان جنگ کا خمیازہ بھگت رہے ہیں۔ 9/11 کے بعد دہشت گردی کے خلاف جنگ نے رہی سہی کسر پوری کر دی۔ خودکش دھماکوں میں ہزاروں کی تعداد میں ہمارے پولیس اور فوج کے جوان شہید ہوئے۔ جس کے پاس تھوڑا بہت پیسہ تھا، انہوں نے اپنا کاروبار یہاں سے شفٹ کر دیا۔ ہمارے صوبے کے ساتھ ہمیشہ سوتیلی ماں کا سلوک کیا گیا۔ ہمارے کاروبار اور گھر اجڑ گئے۔ کیا پشاور کا تاجر لاہور اور کراچی کے تاجر کا مقابلہ کر سکتا ہے۔ جب تک افغانستان اور سینٹرل ایشیا کے ساتھ تجارت نہیں ہوگی،